Գերմանիայի Շվերին քաղաքում սեպտեմբերի 30-ի ուշ երեկոյան զանգվածային ծեծկռտուք է տեղի ունեցել շուրջ 30 գերմանացու և 10 միգրանտների մասնակցությամբ: Այդ մասին հոկտեմբերի 1-ին հայտնել է Die Welt-ը՝ հղում անելով իրավապահ մարմիններին:
Նշվում է, որ հակամարտությունը օպերատիվ կերպով հնարավոր է եղել լուծել այն բանի շնորհիվ, որ ոստիկանները գտնվել են դեպքի վայրի մոտ:
Պարբերականը նշում է, որ վերջին շաբաթներում Շվերինում ուժեղացվել են անվտանգության միջոցառումները կապված այն բանի հետ, որ քաղաքի կենտրոնում պարբերաբար հավաքվում են 20-30 մարդ, կազմված հիմնականում անչափահաս միգրանտներից: Դա հաճախ հանգեցնում է կռիվների:
Այսպես, սեպտեմբերի 27-ին 2 սիրիացի դանակներով հարձակվել են օտարերկրացիների վրա: Հակամարտությունը կարգավորել փորձող տղամարդը ծեծվել է, իսկ հարձակվողները թաքնվել են: Ավելի ուշ նրանք կալանավորվել են: