Թուրքական Dünya Bülteni լրատվական պորտալի փոխանցմամբ՝ Ստամբուլում բացվել է 18-րդ և 19-րդ դարերում Օսմանյան պետությունում բազմաթիվ հանրահայտ ճարտարապետներ տված Պալյանների ընտանիքի (Գրիգոր, Կարապետ, Սարգիս Պալյաններ) հուշահամալիրը։
Այն բացվել է Ստամբուլի Ուսքյուդար (Սկյութար) թաղամասում գտնվող Սուրբ Խաչ հայկական գերեզմանոցի տարածքում։ Բացմանը ներկա են եղել Թուրքիայի մշակույթի ու զբոսաշրջության փոխնախարար Օմեր Արըսոյը, Պոլսո Հայոց պատրիարքի փոխանորդ Արամ արքեպիսկոպոս Աթեշյանը, Ստամբուլի քաղաքապետ Քադիր Թոփբաշը, պոլսահայ աշխարհահռչակ նկարիչ Արա Գյուլերը, հայ համայնքի ներկայացուցիչներ։
Քադիր Թոփբաշը հայտարարել է, որ Պալյանների ընտանիքը 18-19-րդ դարերում լուրջ ներդրում է ունեցել պալատների կառուցման հարցում, ինչը մասնավորապես վերաբերում է Դոլմաբահչե պալատի կառուցմանը։
