ԱԺ փոխնախագահ, ՀՀԿ կուսակցության մամլո խոսնակ Էդուարդ Շարմազանովը ՀՀԿ ԳՄ նիստից հետո հայտարարել էր, որ ՀՀԿ ԳՄ կազմում փոփոխություններ են սպասվում և չէր բացառել վարչապետ Կարեն Կարապետյանի և նորանշանակ անկուսակացական նախարարների անդամակցությունը ՀՀԿ-ին: Ի՞նչ նպատակ են հետապնդում այս փոփոխությունները. «Առաջին լրատվական»- ը թեմայի շուրջ զրուցեց սոցիոլոգ Կարեն Սարգսյանի հետ: Նրա խոսքով՝ ՀՀԿ-ն հասկանում է, որ հասարակության կողմից իր նկատմամբ վստահության մակարդակը զրոյին մոտ է:
«Շրջանառվող տեղեկություններն այն մասին, որ նոր վարչապետը և կառավարության անկուսակցական անդամները կարող են դառնալ ՀՀԿ-ական, ըստ սոցիոլոգի, շատ նեգատիվ, բացասական դաշտ են ստեղծում: Ժողովուրդը արագ ընկալեց փոփոխությունները և դրանք դրական գնահատեց: Մենք դեռևս չենք կարող ասել՝ պրոգրես ենք ապրում, թե ռեգրես: Ունենք իրավիճակ, երբ հասարակությունը հոգնել է առկա իշխանություններից, որոնք հայտարարեցին, որ իրենց գաղափարախոսության հիմքը Գ. Նժդեհի գաղափարախոսությունն է, հետո էլ հրաժարվեցին և հականժդեհական գաղափարների գնացին՝ բոլշևիկյան զարգացումներով:
Ոչ կուսակացական նախարարներին հասարակությունը դրական ընդունեց՝ որպես ոչ հանապետականների, հիմա նրանց ուզում են ՀՀԿ-ական դարձնել. եթե սա տեղի ունենա, այս կառավարությունը իր վրա կվերցնի 10 տարիների ընթացքում կուտակված նեգատիվը: Սա կնշանակի, որ իրականում ոչինչ չի փոխվել»,- նշեց սոցիոլոգը:
Կարեն Սարգսյանի խոսքով՝ մեզ անհրաժեշտ են մարդիկ, ովքեր չեն ենթարկվում Մելիք-Ադամյան փողոցի նկուղում կայացվող որոշումներին: «Կա տպավորություն, որ Կարեն Կարպետյանը ուզում է գործ անել, բայց որ դառնա ՀՀԿ-ական, չի կարող: Մարդիկ, ովքեր ռուսամետ չեն, մեծ զգուշավորությամբ են մոտենում Կ. Կարապետյանի յուրաքանչյուր քայլին, կասկածներ ունեն, որ ռուսականացվում է դաշտը: Մարդիկ, աշխատելով ռուսական կապիտալով կազմակերպություններում, գալիս են մեզ մոտ մենեջեր. սա իրականում ползучая оккупация է: Սրա հաջորդ քայլն է` вежливые люди – ,,зеленые человечки,,»,-նշեց Կ. Սարգսյանը:
Սոցիոլոգի դիտարկմամբ՝ Կարեն Կարապետյանը պետք է գործ անի, չպետք է ՀՀԿ-ական դառնա և չպետք է պատասխան տա ՀՀԿ-ի 10 տարվա արածների համար, դրա համար պետք է ՀՀԿ-ն պատասխան տա:
Անդրադառնալով հարցին, թե արդյոք կա վստահություն նոր կառավարության հանդեպ, Կ. Սարգսյանը պատասխանեց. «Ո՛չ, որովհետև սա նոր կառավարություն չէ, մենք տեսնում ենք տնտեսական, սոցիալական բլոկի որոշ փոփոխություններ, սակայն կրկին տեսնում ենք Հրանուշ Հակոբյանին՝ իր «իդի զդես» քաղաքականությամբ, որը ոչ մի կապ չունի Սփյուռքի հետ… Նրա պատկերացումով Սփյուռքը Ռուսաստանում է: Մենք ունենք «կորած մարդ»՝ արտգործնախար, որին չեն գնտնում, որ հեռացնեն… »:
Մանրամասները՝ տեսանյութում:
