Georgia Online-ի փոխանցմամբ՝ Վրաստան այցելած Հռոմի պապ Ֆրանցիսկոսը հայտարարել է, որ կաթոլիկ եկեղեցին ցանկանում է իր ներդրումն ունենալ Վրաստանում խաղաղության ու բարօրության գործում։
Նրա խոսքով՝ անհրաժեշտ են համբերություն ու ջանքեր, որպեսզի տարաձայնությունները չվերաճեն բռնության, որոնք վնասում են մարդկությանն ու հասարակությանը:
«Յուրաքանչյուր տարբերություն՝ էթնիկ, լեզվական, քաղաքական կամ կրոնական, չպետք է դառնա անվերջանալի ողբերգության ու դիմակայության պատճառ, որոնք առաջացել են տարաձայնությունների հիման վրա, միաժամանակ, ինչը լիովին հնարավոր է, այդ տարբերությունները պետք է դառնան փոխադարձ հարստացման ու համընդհանուր բարեկեցության աղբյուր։ Դրա համար յուրաքանչյուր մարդ պետք է հնարավորություն ունենա օգտագործել իր առանձնահատկությունն ու բարեկեցությունը, պետք է հնարավորություն ստանա խաղաղ ապրել իր հողում և վերադառնալ այնտեղ, եթե ինչ-որ պատճառով հարկադրված է եղել լքել այն»։