Մեծ Բրիտանիան և ԱՄՆ-ը «հնարավորություններ» են որոնում, որպեսզի ճնշեն Ռուսաստանին և սիրիական հարցում ստիպեն փոխել իր գիծը: Այս մասին հայտարարել է Մեծ Բրիտանիայի արտգործնախարար Բորիս Ջոնսոնը The Sun-ին տված հարցազրույցում:
Ջոնսոնը Ռուսաստանին մեղադրել է խաղաղ բնակիչների նկատմամբ բռնությունների և սպանության մեջ: Ջոնսոնի խոսքով՝ Արևմուտքը Մոսկվայի դեմ ապացույցներ է հավաքում: Նախարարի կարծիքով՝ «դա, անկասկած, ռազմական հանցագործություն է»:
Ջոնսոնը կարծում է, որ աշխարհում Ռուսաստանի նկատմամբ վերաբերմունքը խստացել է: Նրա խոսքով՝ եթե Մոսկվայի դիրքորոշումը Սիրիայում չփոխվի, նա «բացարձակպես կզրկվի աշխարհում իր նկատմամբ համակրանքից և հիացմունքից»:
«Ամենահզոր զենքը», որ Արևմուտքը կարող է օգտագործել Ռուսաստանի դեմ, «ամոթն» է՝ հայտարարել է Ջոնսոնը:
«The Sun-ը ենթադրում է, որ դա ներառում է Բրիտանիայի իշխանությունների բոյկոտը Ֆուտբոլի աշխարհի 2018 թվականի առաջնությանը, որը պետք է անցկացվի Ռուսաստանում»,- ասված է հոդվածում: