«Առաջին լրատվական»- ի հետ զրույցում անդրադառնալով Կառավարության կառուցվածքային փոփոխություններին և նոր Կառավարությունից ակնկալիքներին՝ կառավարման փորձագետ Հարություն Մեսրոբյանը նշեց, որ սկզբունքորեն դեռ ոչ մի բան չի փոխվել, պարզապես մի քանի նախարարություններ անվանափոխվել են, մեկ նախարարություն կրճատվել է, սակայն մոդելը, կառուցվածքը, մոտեցումները գրեթե նույնն են:
«Հիմա փորձ է արվում մի քանի ուղղություններով հարցը լուծել. մի ուղղությունն այն է, որ օդիոզ մարդկանցից ազատվեն, ինչը որոշ չափով արվեց, երկրորդ ուղղությունը՝ ինչ-որ չափով թարմացնել նախարարական անձնակազմը և որոշ չափով հստակեցնել խնդիրները, երրորդ ուղղությունը՝ փորձ է արվում, հասկանալով, որ ցանկացած կառավարություն, եթե ուզում է լուրջ գործ անել Հայաստանում, և չունի ոչ մի հենարան, ո՛չ իշխանական թևում, ո՛չ էլ առավել ևս օլիգարխների և ոչ էլ ընդդիմադիրների, ծայրահեղ ընդդիմադիրների թևում, դրա համար փորձ է արվում սիրաշահել ժողովրդին, խոսվում է գազի և էլեկտրաէներգիայի սակագների իջեցման մասին, այսինքն՝ գոնե ապահովել դրական սպասումներ ժողովրդի մոտ: Եվ քանի դեռ չկա ծրագիրը, շատ ավելի մեծ եզրակացություններ անելը դեռ շուտ է»:
Հ. Մեսրոբյանի խոսքով՝ ժամանակն է որոշ մարդկանց պատասխանատվության կանչելու: Դա կլինի վստայության քարտ իշխանությունների կողմից, որ ժողովուրդը հավատա, որ այս անգամ փոփոխությունները լուրջ են լինելու:
Կառավարության փորձագետի կարծիքով՝ ժողովուրդը ցանկացած ժամանակի իշխանություններին ապառիկ քարտ բլանշ է տվել:
Մանրամասները՝ տեսանյութում:
