Ամերիկյան Վիրջինիա նահանգի բնակչուհին ԱՄՆ նախագահի թեկնածուների հեռուստադեբատների մասին սխալմամբ ստացել է ավելի քան 13 հազար հաղորդագրություն և 600 հեռախոսազանգ: Այս մասին հայտնում է Associated Press-ը:
Գործակալության տվյալներով՝ 26-ամյա կինը սկսել է հաղորդագրություններ ստանալ այն բանից հետո, երբ C-SPAN հեռուստաալիքը սխալմամբ նշել է նրա հեռախոսահամարը հեռուստադիտողներից զանգերի ընդունման համար, որոնց խնդրել էին մեկնաբանել Քլինթոնի և Թրամփի միջև առաջին հեռուստադեբատները:
Կինը խոստովանել է, որ զանգերի այդ քանակը իրեն խենթացնում է: Նշվում է, որ հեռուստաալիքը ներողություն է խնդրել տեխնիկական սխալի համար: