Իրանական IRNA լրատվական գործակալության փոխանցմամբ՝ Իրանի Ատոմային էներգիայի կազմակերպության ղեկավար Ալի Աքբար Սալեհին ավստրիական Wiener Zeitung թերթին տված հարցազրույցի ժամանակ հայտարարել է, որ Իրանը լավագույն երկիրն է օտար ներդրողների համար։
Սալեհին ընդգծել է, որ Իրանի տնտեսությունն օրիգինալ է և ամեն օր ընդլայնվում է. «Պատերազմի ու ռեպրեսիվ պատժամիջոցների պատճառով իրանական տնտեսությունը դարձավ էնդոգեն, սակայն ներկայումս Իրանը լավագույն երկիրն է օտար ներդրումների համար»։
Սալեհին հայտարարել է, որ Իրանը բնական պաշարներով հարուստ երկիր է՝ հիշեցնելով, որ հյուսիսում նա սահմանակից է Կասպից ծովին, իսկ հարավում՝ Պարսից ծոցին։
Նա կարևորել է Մետաքսի ճանապարհին գտնվող Իրանում ենթակառուցվածքների կառուցումը. «Չնայած տարածաշրջանում տարածված անկայունությանը՝ Իրանն անվտանգ երկիր է ներդրումների համար»։
