Ադրբեջանական APA լրատվական գործակալության փոխանցմամբ՝ Ադրբեջանի արտգործնախարար Էլմար Մամեդյարովը ընդունել է Ադրբեջանում Իրանի դեսպան Ջավադ Ջահանգիրզադեին։
Այդ մասին հայտնել է Ադրբեջանի ԱԳՆ-ի մամլո ծառայությունը։ Հանդիպման ժամանակ ընդգծվել է, որ երկու երկրների նախագահների բազմաթիվ հանդիպումներն ու նրանց անձնական բարեկամական հարաբերությունները մեծ ներդրումներ են ունենում բազմակողմ համագործակցության զարգացման մեջ։
Կողմերը վստայություն են հայտնել, որ Հյուսիս-Հարավ ռազմավարական կարևոր տրանսպորտային միջանցքը զգալի ներդրում է ունենում միջտարածաշրջանային զարգացման մեջ։
Հանդիպման ժամանակ կարևորվել է տրանսպորտի, նավթագազային, էներգետիկ, զբոսաշրջային և այլ ոլորտներում երկկողմ հարաբերությունների զարգացման համար համատեղ ջանքերի գործադրումը։