Ամերիկյան Chicago Tribune պարբերականը աջակցել է ԱՄՆ նախագահի պաշտոնին Լիբերտարիան կուսակցության թեկնածու Գերի Ջոնսոնին՝ չնայած քաղաքական կյանքում առաջատար են երկու կուսակցությունները` Հանրապետականը և Դեմոկրատականը: Ավանդաբար ազդեցիկ ԶԼՄ-ների աջակցությունը կարևոր է ԱՄՆ նախագահի թեկնածուների համար:
«Ի՞նչ անեն տասնյակ միլիոնավոր մարդիկ, որոնց անհրաժեշտ են իրենց հարցերի պատասխանները, խոշոր կուսակցությունների երկու թեկնածուներով, որոնք նրանց համար տհաճ են: Հարցումը ցույց է տալիս, որ մարդկանց աննախադեպ քանակություն ցանկանում է ունենալ այլ ընտրություն: Մենք հերքում ենք նախատիպը, որ եթե քաղաքացին ընտրում է սկզբունքային թեկնածուին երրորդ կուսակցությունից, իր ձայնը տալիս է քամուն»,- ասված է պարբերականի հոդվածում:
Հոդվածը մեծ մասամբ նվիրված է ոչ թե Ջոնսոնի արժանիքներին, այլ նախագահի թեկնածուների թերություններին: Chicago Tribune-ը քննադատում է հանրապետական Դոնալդ Թրամփին՝ հայտարարելով, որ նա ի վիճակի չէ երկիր ղեկավարելու:
Պարբերականը նաև կասկածում է, որ դեմոկրատների թեկնածու Հիլարի Քլինթոնը կկարողանա երկիրը ղեկավարել և ընդգծում է, որ նրան չի համեմատում Թրամփի հետ: Սակայն պարբերականը քննադատում է Քլինթոնին, որը ցանկանում է ընդլայնել պետության լիազորությունները, նրա չափազանց ձախ կողմնորոշումը, իր ամուսնու՝ ԱՄՆ նախկին նախագահ Բիլ Քլինթոնի ձեռքբերումներից հրաժարումը այնպիսի ոլորտներում, ինչպես բյուջետային կարգապահությունը, ազատ առևտուրը և մասնավոր հատվածի աճի վրա շեշտադրումը:
Ընդ որում Գերի Ջոնսոնը եղել է նահանգապետ, և ունի փորձ և գործնական մոտեցում, գրում է պարբերականը: Chicago Tribune-ը Ջոնսոնի արժանիքներից առանձնացնում է ազատ առևտրի հանձնառությունը և ոչ մեծ և ոչ թանկ պետական ապարատի կառուցումը: