Գերմանիայում Ֆիլիպինների դեսպանը կանչվել է արտգործնախարարություն զրույցի համար՝ կապված Ֆիլիպինների նախագահ Ռոդրիգո Դուտերտեի արտահայտությունների հետ: Ավելի վաղ Ֆիլիպինների նախագահը կատարել է հերթական սկանդալային արտահայտությունը՝ իրեն համեմատելով Ադոլֆ Հիտլերի հետ, հայտնում է Reuters գործակալությունը:
Դուտերտեն հայտարարել է, որ որոշ քննադատներ իրեն անվանում է Հիտլերի հորեղբորորդի: Նշելով, որ Հիտլերը սպանել է միլիոնավոր հրեաների, նախագահը ասել է. «Ֆիլիպիններում կա 3 միլիոն թմրամոլ: Ես երջանիկ կլիների նրանց սպանել: Եթե Գերմանիան ունեցել է Հիտլեր, Ֆիլիպիններն ունի …»: Այդ խոսքերի հետ Դուտերտեն դադար է տվել և ցույց է տվել իրեն, հայտնում է գործակալությունը:
Հինգշաբթի օրը ճեպազրույցի ժամանակ Գերմանիայի արտգործնախարարության պաշտոնական ներկայացուցիչ Մարտին Շեֆերը ֆիլիպինցի առաջնորդի հայտարարությունը անվանել է «անընդունելի»: «Ամեն համեմատություն Հոլոքոսթի իր տեսակի մեջ միակ հանցագործության հետ բացարձակապես անընդունելի է»,- հայտարարել է նա:
