Թաիլանդում կանայք, որոնք ցանկանում են իշխանությունների ուշադրությունը հրավիրել ճանապարհների խնդիրների վրա, սկսել են լոգանք ընդունել ճանապարհային փոսերում, հայտնում է BBC-ն:
Ակցիայի նախաձեռնողը Պալմ անունով տեղի մոդելն է, որին ձանձրացրել է անսարք ճանապարհներով ազգականների մոտ ուղևորվելը: Պալմին աջակցել են շատ կանայք, որոնք արդեն 30 տարի բողոքում են իշխանությունների անգործությունից:
Կառավարությունը ուշադրություն է դարձրել կանանց ակցիայի վրա, և այդ շրջանում շատ արագ ավարտել է ճանապարհի վերանորոգումը:
