Առնվազն 2,09 մլն մարդ է հայտնվել Չինաստանին պատուհասած «Մեգի» թայֆունի գոտում: Այս մասին հայտնում է RIA Novosti-ն՝ հղում անելով իշխանություններին։
Թայֆունից տուժել են 16 քաղաքներ և Չժեցզյան, Ֆուցզյան ու Ցզյանսու նահանգների 107 գավառներ: Շտապ կարգով տուժած շրջաններից տարհանվել է 656 հազար մարդ, տարերքն ավերել է 1,2 հազար տուն, ևս 10 հազար շենքեր վնասվել են:
Թայֆունի պատճառած ուղղակի տնտեսական վնասը գնահատվում է 5,53 մլրդ յուան (շուրջ 829 մլն դոլար):
Թայֆունի առավել մեծ թվով զոհերը եղել են Չժեցզյանի նահանգում, որտեղ սողանքը 20 տուն է ավերել Սուցուն գյուղում։
Սողանքների պատճառը անձրևներն են, որոնք իր հետ բերել է «Մեգի» թայֆունը: