«Առաջին լրատվական»- ի զրուցակիցն է ԱԺ «Ժառանգություն» խմբակցության պատգամավոր Զարուհի Փոստանջյանը:
-Տիկին Փոստանջյան, Կառավարությունը գրեթե ամբողջական կազմով ձևավորվել է, ի՞նչ տպավորություն ունեք նորանշանակ նախարարներից, այս կառուցվածքային փոփոխություններից:
-Չեմ կարծում, որ տեղի են ունեցել կառուցվածքային փոփոխություններ, ուղղակի նման նախաձեռնության անվանում է՝ իբրև թե կառուցվածքային փոփոխություններ են տեղի ունեցել, սակայն, ըստ էության, կառուցվածքը չի փոխվել, Կառավարության բնույթը և էությունը այս 25 տարիների ընթացքում չի փոխվել:
-Այն, որ նախարարական պորտֆելներն, այսպես ասած, մաքրվեցին ՀՀԿ-ականներից, որևէ հույս չի՞ ներշնչում, որ իրական փոփոխությունների ժամանակը եկել է:
-Ո՛չ, իրական փոփոխությունները պայմանավորված են իրական փոփոխություններով ոչ թե անձանց փոփոխություններով: Հետևաբար փոփոխությունների մասին խոսելը բացարձակ անհիմն է:
–Տիկին Փոստանջյան, ընդունված է այս օրերին նոր ձևավորվող կառավարությունը անվանել տեխնոկրատների կառավարություն: Ի՞նչ եք կարծում, տեխնոկրատների կառավարությունը կկարողանա՞ պայքարել քրեաօլիգարխիայի դեմ՝ հաշվի առնելով, որ տարիներ շարունակ մեր տնտեսության զարգացման խոչընդոտ է համարվել հենց քրեաօլիգարխիան:
-Հայաստանի Հանրապետության և, ընդհանուր առմամբ, հայ ժողորդի խնդիրները կապված չեն տեխնոկրատների կառավարման հետ, և ՀՀ-ն ՓԲԸ չէ կամ ՍՊԸ չէ, սա պետականություն է, որն իր առջև բազաթիվ մարտահրավերներ ունի և այստեղ կարևորը այն է, թե ովքեր են քաղաքականություն իրականացնողները և ինչ քաղաքական գաղափարների ներքո են պատրաստվում իրականացնել քաղաքկանություն: Սա մենեջմենթի խնդիր չէ, քաղաքականության խնդիր է: Եթե կառավարությունում ներգրավված են ժամանակակից մենեջեր-օլիգարխներ, դա դեռ չի նշանակում, որ պետք է վերջ դրվի օլիգարխիային: Իսկ մենք տեսնում ենք, թե կառավարությունում ովքեր են ներգրավված. նրանք ի զորու չեն պայքարել քրեաօլիգարխիկ համակարգի դեմ:
Հարցազրույցն ամբողջությամբ՝ տեսանյութում: