Հոկտեմբերի 1-ին կմեկնարկի ֆուտզալի Հայաստանի 2016/2017 թթ. առաջնությունը:
Հայաստանի ֆուտբոլի ֆեդերացիայի լրատվության բաժինը հայտնում է, որ այս անգամ առաջնությանը, նախորդ 7-ի փոխարեն, կմասնակցեն 8 թիմեր՝ նախորդ առաջնության հաղթող «ՀՊՏՀ»-ն, արծաթե մեդալակիր «Չարբախ»-ը, բրոնզե մեդալակիր «Գյումրի»-ն, համապատասխանաբար 4-րդ և 5-րդ հորիզոնականներ զբաղեցրած «ՎՊՀ»-ն, «Արթիկը», ինչպես նաև երեք նոր թիմեր՝ «Ալավերդի»-ն, «ԼԵՈ»-ն և «Արմենիա Թրավելը»:
«ԼԵՈ»-ն համալրել է ֆուտզալի Հայաստանի առաջնությունը, որպես «Ֆուտզալ Բիզնես լիգա»-ի Ա լիգայի հաղթող: «Արմենիա Թրավելը» ևս մասնակցել է «Ֆուտզալ Բիզնես լիգա»-ին:
Առաջնության առաջին փուլը բաղկացած կլինի 2 շրջանից, յուրաքանչյուրում՝ 7-ական մրցափուլ, և կավարտվի 2017 թ. մարտի 26-ին:
