ԴԱԻՇ-ը սոցիալական քաղցկեղ է, և այդ քաղցկեղը մետաստազներ ունի: TASS-ի հաղորդմամբ՝ այս մասին ասել է Չեխիայի նախագահ Միլոշ Զեմանը հունական Հռոդոսում «Քաղաքակրթությունների երկխոսություն» Համաշխարհային հասարակական համաժողովի բացմանը ելույթ ունենալիս:
«Այսպես կոչված՝ ԴԱԻՇ-ը մի քանի տարի առաջ ազդում էր միայն 5 պետությունների վրա,- նշել է Զեմանը:- Հիմա այն ազդում է 35 պետությունների վրա: ԴԱԻՇ-ը սոցիալական քաղցկեղ է, և այդ քաղցկեղն իր մետաստազներն ունի»:
«Մենք ուրախանում ենք, եթե Իրաքում կամ Սիրիայում ԴԱԻՇ-ը մի քանի քաղաք է կորցնում, և մոռանում ենք, որ, օրինակ, Աֆղանստանում ծնվում է նոր ԴԱԻՇ՝ «Թալիբանի» գլխավորությամբ,- ասել է Չեխիայի նախագահը:- Հարցն այն է, թե ինչ տարբերություն կա «Թալիբանի», «Ալ-Քաիդայի», ԴԱԻՇ-ի, «Բոկո Հարամի» և այլ ահաբեկչական կազմակերպությունների միջև: Հնարավոր չէ բանավիճել նացիզմի, ԴԱԻՇ-ի հետ, հնարավոր չէ բանավիճել նրանց հետ, ովքեր սոցիալական քաղցկեղի պես ձգտում են ոչնչացնել մյուս քաղաքակրթությունները»:
