Ամերիկյան The Wall Street Journal պարբերականի փոխանցմամբ՝ Սաուդյան Արաբիան մինչ Ալժիրում ՕՊԵԿ-ի երկրների ոչ պաշտոնական հանդիպումը Իրանին առաջարկել է գաղտնի գործարք: Այս մասին հայտնել են լրատվամիջոցի աղբյուրները:
Գործարքի պայմաններով՝ Սաուդյան Արաբիան պատրաստ է եղել նավթարդյունահանման օրական ծավալը նվազեցնել մինչև 400.000 բարելի, ինչի դիմաց Իրանը պետք է նավթարդյունահանման մակարդակը պահպաներ օրական 3.6 միլիոն բարել մակարդակի վրա:
Աղբյուրներն ընդգծել են, որ Իրանի նավթարդյունաբերության նախարար Նամդար Բիժան Զանգանեհը, սակայն, մերժել է գործարքը, քանի որ Թեհրանը մտադիր է ընդլայնել նավթարդյունահանման ծավալը մինչև 4.2 միլիոն բարել:
Սեպտեմբերի 28-ին ՕՊԵԿ-ի երկրները համաձայնեցին նավթարդյունահանման մակարդակը կրճատել օրական մինչև 32.5 միլիոն բարել: Երկրներն այդ պայմանավորվածությունները կսկսեն իրականացնել նոյեմբերին:
