Այսօր տեղի ունեցավ Հանրային խորհրդի հերթական նիստը: «Առաջին լրատվական»- ի հետ զրույցում Հանրային խորհրդի անդամ Հովհաննես Հովհաննիսյանը տեղեկացրեց, որ օրակարգում հինգ հարց է քննարկվել. «Առաջինը վարչապետի հետ հանդիպումից ՀԽ 8 ադամների տպավորությունների քննարկումն էր և հետագա հանդիպման օրակարգի նախագծի ուրվագծի մշակումն էր, քննարկվեց նաև Հանրային խորհրդի մասին օրենքի նախագծի վերաբերյալ առաջարկությունների փաթեթը: Նիստի ընթացքում քննարկվեց նաև համաներում հայտարարելու կապակցությամբ նախագահին, իշխանություններին դիմելու նպատակահարմարության խնդիրը:
Մենք վերջին ամիսների ընթացքում բազմաթիվ քաղաքացիներից, ՀԿ-ներից նամակներ ենք ստացել նման առաջարկներով հանդես գալու վերաբերյալ:
Քննարկման ժամանակ հակասական առաջարներ հնչեցին, նաև միանշանակ չէր կարծիքը, թե որ հոդվածների, որ հանցագործությունների վրա կարելի է տարածել համաներումը, որի վրա՝ ոչ: Այդ կապակցությամբ որոշեցինք Հանրային խորհրդի նախագահին՝ պարոն Մանուկյանին լիազորել, որպեսզի եղած տեսակետները ներկայացնի իշխանություններին, որից հետո Հանրային խորհուրդը որոշում կկայացնի առանձին բանաձևով հանդես գալու նպատակահարմարության մասին»:
Հ. Հովհաննիսյանի կարծիքով՝ համաներումն անհրաժեշտ է և ՀԽ-ն պետք է հանդես գա այդպիսի նախաձեռնությամբ: Նա վստահեցրեց, որ համաներման մասին առաջիկայում Հանրային խորհուրդը կունենա միասնական տեսակետ:
Մանրամասները՝ տեսանյութում:
