1980-ական թթ. սկզբին ծնված բրիտանացիները դարձել են առաջին հետպատերազմյան սերունդը, որոնք 30 տարեկանում ավելի ցածր եկամուտ ունեն, քան նրանցից 10 տարի առաջ ծնված մարդիկ: Այս մասին հայտնում է BBC-ն՝ վկայակոչելով Ֆինանսական հետազոտությունների բրիտանական ինստիտուտի զեկույցը:
Ներկայիս 30-ամյա բրիտանացիներն ունեն միջինում մոտ 27 000 ֆունտ (35 000 դոլարից քիչ ավել): Նույն տարիքում 10 տարի մեծերն ունեցել են միջինում 53 000 ֆունտ:
Հետազոտության ընթացքում հարստություն են համարվել անշարժ գույքի գինը, ֆինանսական ակտիվները և որպես կենսաթոշակ կուտակված գումարը:
Հետազոտության համաձայն՝ 30 տարեկան բրիտանացիների միայն 40%-ն անշարժ գույք ունի՝ նախորդ հետպատերազմյան սերունդների առնվազն 55%-ի դիմաց:
Ուսումնասիրության հետ կապ չունեցող փորձագետները 30-ամյա բրիտանացիների խնդիրները բացատրում են բնակարանի չափազանց բարձր գնի հետ, որը քիչ համեմատելի է միջին աշխատավարձերին: