Սիրիայի բանակը աշխարհազորի ջոկատների աջակցությամբ ահաբեկիչներին դուրս է մղել Քինդի հիվանդանոցի տարածքից Հալեպի հյուսիսում, RIA Novosti-ին հայտնել է սիրիական ռազմական աղբյուրը:
«Հալեպի հյուսիսում Սիրիայի բանակը մաքրել է Քինդի հիվանդանոցի տարածքը: Բժշկական հաստատությունը լիովին վերահսկվում է զորքերի կողմից»,- ասել է գործակալության զրուցակիցը:
Հիվանդանոցի ուղղությամբ հարձակումը սկսվել է Հալեպից 7 կմ հեռավորության վրա գտնվող Հանդարատ ճամբարի ազատագրումից հետո: Քինդի հիվանդանոցը զբաղեցնում է ռազմավարական դիրք, քանի որ գտնվում է քաղաքի մուտքի ճանապարհի մոտ:
Հանդարատը առաջին անգամ ազատագրվել է շաբաթ օրը, սակայն կիրակի ահաբեկիչները կրկին գրավել են բնակավայրը:
