Իրանական Fars լրատվական գործակալության փոխանցմամբ՝ Գերմանիայի փոխկանցլեր և տնտեսական ու էներգետիկայի հարցերով նախարար Զիգմար Գաբրիելը հոկտեմբերի 2-ին կմեկնի Իրան։
Գաբրիելի իրանական այցը պլանավորված էր հունիսին, սակայն այն հետաձգվել էր առողջական խնդիրների պատճառով։ Գերմանիան պատժամիջոցներից առաջ Իրանի խոշորագույն առևտրային գործընկերներից մեկն էր։
Նախորդ ամիս 150 գերմանացի պաշտոնյաների ու գործարարների պատվիրակությունը մասնակցել է Թեհրանում տեղի ունեցած համատեղ գործարար ֆորումին։
Գաբրիելը ծրագրել է Թեհրանում քննարկել բանկային ոլորտում համագործակցության հեռանկարները, ներդրումների ընդլայնման ու երկու երկրների մասնավոր սեկտորների միջև կապերի զարգացման հարցը։