Լեզվաբանները կանխատեսել են, որ անգլերենից «th» հնչյունը կվերանա մինչև 2066 թվականը բազմամշակութայնության պատճառով, քանի որ արտասահմանցիների համար այն դժվար է արտասանել: Այդ մասին հայտնում է The Telegraph-ը:
Նյու Յորքի համալսարանի փորձագետները համարում են, որ հաջորդ մի քանի տասնամյակներում անգլերենը սկզբունքորեն կփոխվի իմիգրացիայի պատճառով:
«Տարբերությունը կլինի այնպիսին, ինչպես ժամանակակից անգլերենի և կես դար առաջվա անգլերենի միջև,- համարում է սոցիոլեզվաբան Դոմինիկ Վատը:- Արտասանությունը կպարզեցվի, բառերը կդառնան ավելի կարճ: Լեզուները փոխվում են շփումների ընթացքում: Անգլերենը վերցրել է հազարավոր բառեր ուրիշ լեզուներից, հիմնականում ֆրանսերենից, լատիներենից և հունարենից, սակայն այնտեղ իրենց ընդհանուր ներդրումն են ունեցել տասնյակ լեզուներ»:
