Կարմիր խաչի միջազգային կոմիտեն (ԿԽՄԿ) Twitter-ում հայտնել է, որ վերջին օրերին սիրիական Հալեպի արևելյան մասում զոհերի թիվը հասել է հարյուրների:
«Քաղաքում մնացել են ընդամենը 14 արհեստավարժ բժիշկներ: Նրանք հյուծված են: Այս շաբաթ սպանվել է ևս մեկ բուժքույր»,- ասված է հաղորդագրություններից մեկում:
ԿԽՄԿ-ում նաև նշում են, որ արևմտյան մասի բժիշկները ցանկանում են օգնել արևելյան մասի բժիշկներին, սակայն դրա համար անհրաժեշտ է անվտանգ ճանապարհ:
Նշված է, որ 21 հիվանդանոցից աշխատանքային վիճակում են մնացել միայն 6-ը: Առաջին բժշկական օգնությունը հատկացվում է ուղղակի փողոցում: Լուրջ վիրահատությունների համար սարքավորումներ ունի միայն 2 հիվանդանոց: ԿԽՄԿ-ն հաղորդում է, որ հիվանդանոցներում չեն բավարարում լույսը, ջուրը, հոսանքը, վերմակները:
ՄԱԿ-ում հայտնել են, որ Հալեպում 600 վիրավորներին օգնելու համար պահանջվում է տարհանում:
