ԴԱԻՇ ահաբեկչական խմբավորման դեմ պայքարի ԱՄՆ գլխավորությամբ կոալիցիայի շտաբում համարում են, որ Իրաքում բավարար քանակությամբ ամերիկյան զինծառայողները կան, որոնք կարող են օգնել Իրաքի ուժերին ԴԱԻՇ-ի զինյալներից Մոսուլ քաղաքի ազատագրման համար, հայտնում է RIA Novosti-ն
«Ես չեմ կարող գուշակել, թե ինչ կլինի, սակայն գտնում եմ, որ մենք ունենք ուժեր Մոսուլի ազատագրման համար»,- հայտնել է ԴԱԻՇ-ի դեմ պայքարի կոալիցիայի շտաբի պաշտոնական ներկայացուցիչ Ջոն Դորիանը ճեպազրույցի ժամանակ: Այդպես նա պատասխանել է այն հարցին, թե արդյոք ԱՄՆ-ը Իրաք կուղարկի՞ լրացուցիչ թվով զինծառայողներ:
Դորիանը հիշեցրել է, որ ամերիկյան զինծառայողների Իրաք ուղարկման որոշումը կընդունվի Իրաքի բանակի և ամերիկյան հրամանատարության համատեղ գնահատականից հետո, ապա առաջարկությունը կուղարկվի ԱՄՆ նախագահի դիտարկմանը: