Լոնդոնի քաղաքապետ Սադիկ Հանը հայտարարել է, որ ուսումնասիրում է բրիտանական մայրաքաղաքը հեղեղած արտասահմանյան ներդրումների ազդեցությունը անշարժ գույքի գների աճի վրա, ինչպես նաև թափանցիկ է դարձնում սեփականության տվյալները:
Guardian պարբերականին տված հարցազույցում Հանը նշել է, որ «լրջորեն անհանգստացած է» արտասահմանյան ներդրողների կողմից ձեռք բերված անշարժ գույքի օբյեկտների քանակի աճից: Նրա խոսքով՝ նման հետազոտություն կկատարվի առաջին անգամ:
«Մեզ շտապ անհրաժեշտ է թափանցիկություն լոնդոնյան անշարժ գույքում ներդրված արտասահմանյան փողերի նկատմամբ»,- ասել է Հանը: Բացի այդ, նա նշել է, որ «լոնդոնցիները պետք է վստահ լինեն, որ կեղտոտ փողերը չեն լցնի անշարժ գույքի մեր շուկան»: «Պաշտոնյաները պետք է Լոնդոնում սեփականության բոլոր տվյալներն արդեն հիմա դարձնեն թափանցիկ, որ մենք տեսնենք, ով ինչ ունի»,- ասել է Հանը:
Guardian պարբերականի տվյալներով՝ Լոնդոնի կենտրոնական մասին անշարժ գույքի մոտ կեսը պատկանում է արտասահմանյան գնորդներին, որոնց մի մասը նույնիսկ չեն հանդիսանում Լոնդոնի բնակիչներ: Պաշտոնական տվյալների համաձայն՝ Լոնդոնում անշարժ գույքի գները անցյալ տարվա հուլիսից մինչև այս տարվա հուլիս աճել են ավելի քան 12 %-ով: