ՀՀ գյուղատնտեսության նորանշանակ նախարար Իգնատի Առաքելյանն այսօր կառավարության նիստից հետո լրագրողների հետ զրույցում նշեց, որ գյուղացիների առջև ծառացած խնդիրները գտնվում են ուշադրության կենտրոնում: Նա նշեց, որ գյուղացիները պետք է բիզնեսով զբաղվեն:
«Բոլորը պետք է սկսեն մատծել՝ ինչպես անել, որպեսզի գյուղատնտեսությունը զարգանա և հարստանա, հավելյալ եկամուտ բերի: Չի կարող գյուղատնտեսությունը միայն օրվա հացի հարց լուծել: Մենք օգնելու ենք, ռազմավարական ծրագրեր ենք մշակվելու, որոնցով աջակցելու ենք գյուղացուն: Երբ որ ասում ենք բիզնեսով պետք է զբաղվեն, մենք ծրագիր ենք մշակելու և փորձելու ենք ներգրավել դոնորներին, որոնք կաջակցեն: Բնական է, որ այսօրվա վիճակով գյուղացին ինքն իրեն չի կարող բիզնեսով զբաղվել, չկան անհրաժեշտ ֆինանսական հնարավորություններ»,- նշեց նորանշանակ նախարարը՝ հավելելով, որ պետք է շարունակվեն թրեյնինգները և ներդրումները, և պետք է բիզնես մոտեցում ցուցաբերել:
Մանրամասները՝ տեսանյութում:
