«Հաջողության հասնելու դեպքում մեր նախընտրական ծրագրի բոլոր կետերը կիրականացնենք»,- «Առաջին լրատվական»- ի հետ զրույցում ասաց Հրազդանի ավագանու թեկնածու Վասակ Վարդանյանը:
Պատասխանելով հարցին, թե ինչպես է գնահատում իր ընտրվելու հնարավորությունները, Վ. Վարդանյանն ասաց. «Վերջին օրերին հանդիպումներ են տեղի ունեցել հրազդանցիների հետ, ես ծնվել և ապրել եմ Հրազդանում, տեղյակ եմ խնդիրներից, քաղաքապետի ընտրությունների ժամանակ եղել եմ Սասուն Միքայելյանի նախընտրական շտաբի երիտասարդական թևի ղեկավարը: Հրազդանցիների հետ հանդիպումները ցույց են տալիս, որ մարդիկ տրամադրված են՝ ցանկություն կա մասնակցելու ընտրությանը»:
Վ. Վարդանյանի խոսքով՝ ընտրակեղծիքը, ընտրակաշռքը Հրազդանում միշտ էլ օգտագործել են, ինչպես նաև քաղաքապետի ընտրությունների ժամանակ. «Փորձելու ենք կանխել, հուսով ենք, որ հրազդանցին կհասկանա, որ ընտրակեղծիքով ու ընտրակաշառքով ոչինչ չի որոշվելու, և կկատարի իր ճիշտ ընտրությունը»:
Մանրամասները՝ տեսանյութում:
