«Փողոցները վերանորոգվելու են,- ընտրողների հետ հանդիպմանը խոստանում է Վանաձորի քաղաքապետի ՀՀԿ-ական թեկնածու Մամիկոն Ասլանյանը,- ամեն ինչ անելու ենք, չկասկածեք, մենք էն նամուսը չունենք, որ խոստանանք, կամերան էլ նկարի, էգուց էլ մեզ բերեն ցույց տան, ասեն՝ խաբեցիք»:
«Առաջին լրատվական»- ի հետ զրույցում հարցին՝ ինչքանո՞վ են հաղթելու հնարավորություները մեծ, Մամիկոն Ասլանյանը պատասխանեց. «Մենք բախտագուշակ չենք, որ հայտարարություններ անենք, էսօր շփումների մեջ ենք ժողովրդի հետ, կանխագուշակություններով զբաղվելու ժամանակ չունենք»:
Ո՞ւմ կհամարեք Ձեր հիմնական մրցակիցը հարցին ի պատասխան՝ ՀՀԿ քաղաքապետի թեկնածուն նշեց, որ մրցակից չեն տեսնում. «Բոլորը մեր ընկերներն են, մեզ հարազատ մարդիկ են, մեկս մեկիս դեմ խնդիր չունենք, բոլորիս խնդիրը Վանաձորը բարեկարգ տեսնելն է:
Անդրադառնալով դիտարկմանը, որ ամեն դեպքում ընդդիմադիր թեկնածուներ կան՝ Մ. Ասլանյանը հեգնեց. «ՀՀԿ-ին են ընդդիմադի՞ր, թե՞ իրար: Մեզ հետ կարծես բոլորն ուզում են խնդիր ունենան, բայց մենք էդ դաշտում չկանք, մենք զբաղված ենք…»:
Մանրամասները՝ տեսանյութում:
