Նորանշանակ վարչապետը Հանրային խորհրդին առաջարկել է կոնկրետ ձևակերպումներով կոնկրետ առաջարկություններ ներկայացնել: Այս մասին «Առաջին լրատվական»- ի հետ զրույցում ասաց Հանրային խորհրդի անդամ Արշակ Սադոյանը:
«Մենք, հաշվի առնելեով արտագաղթի հետ կապված ահագնացող խնդիրները, որ ծագել են մեր ժողովրդի առաջ, առաջարկում ենք անհրաժեշտ միջոցներ ձեռնարկել, որ Հայաստանի Հանրապետությունը, որպես բոլոր հայերի հայրենիք, կարողանա որոշակի իմաստով իր վրա վերցնել նրանց շահերի պաշտպանությունը, ստեղծի այսպես ասած, «աս» կազմակերպություն, որը կկարողանա աշխարհով մեկ որպես մեկ ամբողջություն, որպես մեկ բռունցք դիմակայել մարտահրավերներին, կկարողանա պայմաններ ստեղծել, որ օգտագործելով մեր մշակույթի առանձնահատկությունները՝ բոլորը լծվեն մեր ազգին վայել մշակումներին՝ քաղաքակրթության մեջ ունենալու մեր ուրույն տեղն ու դերը»,- նշեց Արշակ Սադոյանը:
Նա տեղեկացրեց, որ 25 էջանոց նախագիծ են մշակել, որը կներկայացնեն վարչապետին և հույս ունեք, որ վարչապետը հաշվի կառնի և կընդգրկի առաջիկա ծրագրում: Ա. Սադոյանը չի կարծում, թե նոր վարչապետը հլու-հնազանդ կծառայի Մոսկվային:
Անդրադառնալով հարցին՝ Կառավարության կառուցվածքային փոփոխությունները իրականացվում են բարեփոխումների՞ համար, թե՞ ընդամենը նախընտրական փիար է անում ՀՀԿ-ն, Ա. Սադոյանը պատասխանեց. «Կարծում եմ՝ երկուսն էլ»: Ա. Սադոյանի խոսքով՝ համակարգային արմատական փոփոխությունները հրատապ են դարձել:
Մանրամասները՝ տեսանյութում:
