«Հայաստանում արևային տեխնոլոգիաների զարգացմումն այլընտրանք չունի, քանի որ մենք չունենք ո՛չ նավթ, ո՛չ գազ, որպեսզի կարողանանք մեր էներգետիկայի զարգացումը պատկերացնել այլ կերպ: Մենք ունենք բավականին հարուստ արևային ռեսուրս: Շատերը կարող են ասել՝ արևը բոլոր երկրներում կա, բայց մեր աշխարհագրական դիրքը, օդի մաքրությունը, մեր բնակլիմայական պայմանները և այլ գործոններ արևային տեխնոլոգիաների համար իրականում բացառիկ են»,- այս մասին «Առաջին լրատվական»- ի հետ զրույցում ասաց ՀՀ Էներգետիկայի և բնական պաշարների փոխնախարար Հայկ Հարությունյանը:
Փոխնախարարը տեղեկացրեց, որ արդիական տեխնոլոգիաներով գնահատվում է Հայաստանի տարբեր վայրերում արևային էներգիայի ռեսուրսը և դա համադրելով հիդրոմետի կայանների տվյալների հետ, ստանում մեր արևային քարտեզը, որը ցույց է տալիս, որ բացառիկ պամաններ ունենք արևայի էնեգետիկայի զարգացման համար:
«Մեր թե՛ օրենսդրական դաշտով, թե՛ այս ոլորտում քաղաքականության լրջության առումով և ծրագրերով ավելի առաջ ենք, քան հարևան Վրաստանը և Ադրբեջանը: Իսկ Թուրքիայում բավականին արագ զարգանում է վերականգնող էներգետիկան, նրանք շատ ավելի առաջ են, քան աշխարհի մի շարք զարգացած երկրներ:
Արևային, վերականգնող էներգետիկայի տեխնոլոգիաները ենթադրում են սկզբում ներդրում կատարել, այնուհետև քանի որ վառելիքն անվճար է, ստանում ես մատչելի էլեկտրաէներգիա: Գործարարները հետաքրքրված են, այս գործընթացը ակտիվորեն ընթանում է՝ էներգախնայողության համար մեծ պահանջարկ կա:
Արևային էներգետիկայի զրագացումը ամրագրված է Հայաստանի էներգետիկ ապահովման հայեցակարգում՝ որպես առաջնահերթություն: Դա չի փոխվել վերջին տարիներին: Արևային էներգետիկան ամբողջ աշխարհում դիտարկվում է որպես ոչ միայն ապագայի, այլ նաև ներկայի էներգետիկա: Արևային էներգիան կդառնա այնքան մատչելի, որ հասանելի կլինի մեր բնակիչներին»,- նշեց Հայկ Հարությունյանը:
Մանրամասները՝ տեսանյութում: