Սեպտեմբերի 26-ին աշխարհում նշվում է Միջուկային զենքի լրիվ վերացման համար պայքարի միջազգային օրը: Այն միջազգային տոներից մեկն է ՄԱԿ համակարգում և հիմնվել է 2013 թ. դեկտեմբերին ՄԱԿ ԳԱ համապատասխան բանաձևով, գրում է Calend-ը:
Տոնի հիմնադրման գլխավոր նպատակն է համաշխարհային հանրության ուշադրությունը հրավիրել գլոբալ միջուկային զինաթափման անհրաժեշտությանը և հասարակությանը միջուկային զենքի վերացման առավելությունների մասին տեղեկացնել:
Այսօր Միջուկային զենքի լրիվ վերացման համար պայքարի միջազգային օրը նշում են այդ նպատակով բոլոր հետաքրքրված երկրներն ու դրանց բնակչությունը: Այս օրը մի շարք երկրներում անցկացվում են ֆլեշմոբեր, կարճամետրաժ ֆիլմերի ցուցադրություններ և զինաթափման ու միջուկային զենքի դեմ պայքարի թեմայով քարոզչական նյութերի տարածման միջոցառումներ են արվում: