ԱՄՆ-ում տեղի է ունեցել աֆրոամերիկյան պատմության և մշակույթի թանգարանի հանդիսավոր բացումը, հայտնում է TASS-ը:
Հանդիսավոր արարողությանը մասնակցել է ԱՄՆ նախագահ Բարաք Օբաման կնոջ` Միշել Օբամայի հետ: Պատվավոր հյուրերի թվում են եղել նաև ԱՄՆ նախկին առաջնորդներ Ջորջ Բուշ-կրտսերը կնոջ` Լորայի հետ, որը 2003 թվականին ստորագրել է տվյալ թանգարանի շինարարության սկսման մասին օրենքը, և Բիլ Քլինթոնը: Այնտեղ ներկա են եղել նաև ամերիկյան հայտնի մշակութային բազմաթիվ գործիչներ և հազարավոր շարքային ամերիկացիներ:
Ինչպես իր խոսքում նշել է Օբաման՝ թանգարանը, որը պատմում է նաև ստրկատիրության ժամանակաշրջանի մասին, կօգնի ամերիկացիներին ավելի լավ հասկանալու միմյանց: Նա թանգարան է մտել, հնչեցնելով թանգարանի մոտ բերված ամերիկյան հնագույն եկեղեցիներից մեկի` 1776 թվականին սևամորթերի կողմից հիմնադրված եկեղեցու զանգը: