Նախագահ Սերժ Սարգսյանի բարձր հովանու ներքո սեպտեմբերի 21-23-ը Երևանում անցկացվեց Համահայկական գիտական համաժողով: Համաժողովում քննարկվեցին գիտնականների առջև ծառացած մի շարք հարցեր: Կազմակերպիչներից Երիտասարդ գիտնականների խորհրդի նախագահ Գևորգ Վարդանյանը «Առաջին լրատվական»- ի հետ զրույցում նշեց, որ գիտությամբ հետաքրքրվածությունը շատ մեծ է:
«Իհարկե, միջոցներն այսօր բավարար չեն, որպեսզի երիտասարդ գիտնականը կարողանա ժամանակին հարիր գիտական սարքերով գիտությամբ զբաղվել, բայց նմանատիպ միջոցառումները խթան են հանդիսանում, վստահ եմ, որ մոտ ապագայում մեր երիտասարդ գիտնականները չեն ցանկանա գնալ արտերկիր»,- նշեց երիտասարդ գիտնականը:
Գևորգ Վարդանյանը հավաստիացրեց, որ առաջիկայում գիտական նոր հիմնադրամ կստեղծվի գործարար, բարերար Ռուբեն Վարդանյանի նախաձեռնությամբ, սկզբում մեկնարկային գումարը 10 միլիոն դոլար կլինի և ավելի քան 200 մլն դոլարի կհասնի:
«Մեկ տարի առաջ մենք հռչակավոր գիտնական Արտեմ Օգանովը եկավ Հայաստան, արդյունքում՝ արդեն իր լաբորատորիաներում՝ մեր երիտասարդ գիտնականը վերապատրաստվել է, վերադարձել Հայաստան, որպեսզի հիմնի նոր լաբորատորիա»:
Գևորգ Վարդանյանը վստահ է, որ նոր ձևավորվող կառավարությունը նոր մոտեցում կցուցաբերի գիտնականների նկատմամբ:
Մանրամասները՝ տեսանյութում:
