«Ռեալ Սոլթ Լեյք»-ի հարձակվող Յուրա Մովսիսյանի գործակալ Պատրիկ Մակքեյբը հայտարարել է, որ դեռ վաղ է խոսել հայ ֆուտբոլիստի ապագայի մասին: Մովսիսյանի իրավունքները պատկանում են Մոսկվայի «Սպարտակ»-ին:
Հարձակվոսը MLS-ում վարձավճարով հանդես է գալիս 2016 թվականի հունվարի 15-ից: Նրա տրանսֆերի վարձակալության պայմանագրի ժամկետն ուժի մեջ է մինչև դեկտեմբերի 1-ը:
«Ինչպես հայտնի է, ընթացիկ մրցաշրջանում Յուրան վարձավճարով հանդես է գալիս «Ռեալ Սոլթ Լեյք»-ում: Մենք սպասում ենք MLS-ի մրցաշրջանի ավարտին, որից հետո բանակցություններ կսկսենք «Սպարտակ»-ի հետ:
Մոսկովյան ակումբը հիանալի է խաղում, և Յուրան ուրախ է այդ կապակցությամբ: Ավելին Մովսիսյանի ապագայի մասին դեռ ասել չեմ կարող»,- ТАСС-ը մեջբերում է Մակքեյբի խոսքերը:
Հավելենք, որ MLS-ի կանոնավոր առաջնության ընթացիկ մրցաշրջանում հայ հարձակվողը մասնակցել է 26 խաղի և դարձել 9 գոլի հեղինակ: