Microsoft-ի հիմնադիր Բիլ Գեյթսը BBC հեռուստաալիքին տված հարցազրույցում ասել է, թե ինքն է միջնորդել, որ իր հիմնադրած ընկերությունը գնի IP հեռախոսակապի առաջատար Skype ընկերությունը:
«Ես այդ գործարքի համոզված կողմնակիցն էի»,- BBC-ին ասել է Գեյթսը: «Ես կարծում եմ, որ այս գործարքը գերազանց է, գերազանց է Skype-ի համար: Այն գերազանց է նաև Microsoft-ի համար»,- ասել է նա: «Ինձ համար անչափ հետաքրքիր է տեսնել, թե ինչպես Microsoft-ի ծրագրավորողները կաշխատեն Skype-ի ծրագրավորողների հետ, և ինչ կստացվի դրանից»,- ավելացրել է Գեյթսը:
Հիշեցնենք, որ անցյալ շաբաթ ՏՏ ոլորտի հսկաներից Microsoft ընկերությունը 8.5 մլրդ դոլարով գնել է Skype-ը: