Նավթի գինն ընկել է՝ հասնելով վերջին երեք շաբաթվա նվազագույն ցուցանիշի։ Անկումը տեղի է ունեցել ԱՄՆ-ում վառելիքի ապրանքային պաշարների աճի մասին տվյալների և ամերիկյան արդյունաբերությունում գործարար ակտիվության թուլացման պատճառով։ Այս մասին հայտնում է Interfax-ը։
Brent մակնիշի հյուսիսծովյան նավթային խառնուրդի նոյեմբերյան ֆյուչերսների արժեքը լոնդոնյան ICE Futures բորսայում նվազել է 2.13 տոկոսով՝ հասնելով մեկ բարելի դիմաց 45.89 դոլարի։
WTI ամերիկյան թեթև նավթի հոկտեմբերյան ֆյուչերսների արժեքը Նյու Յորքի ապրանքային բորսայում նվազել է 2,1 տոկոսով՝ հասնելով մեկ բարելի դիմաց 43.76 դոլարի։
ԱՄՆ-ում նավթի պաշարները տարվա տվյալ ժամանակահատվածում ավելի քան 20 տարվա առավելագույն մակարդակի վրա են։
