Մայիսի 12-ին հեղինակավոր Millward Brown Optimor-ը, Financial Times-ի հետ համագործակցությամբ, հրապարակել է 6-րդ «BrandZ Top 100 համաշխարհային ամենաարժեքավոր ապրանքանիշեր» ամենամյա զեկույցը, որը ներկայացնում է 2011թ. ամենաարժեքավոր գլոբալ ապրանքանիշերի ցանկը: Ըստ զեկույցի` Orange-ը զբաղեցնում է 36-րդ տեղը` նախորդ տարվա 50-րդի փոխարեն և գնահատվել է 17.6 միլիարդ դոլար նախկին 14 միլիարդ դոլարի փոխարեն:
Հեռահաղորդակցության ոլորտում աշխարհի բոլոր ապրանքանիշերի շարքում Orange-ը զբաղեցրել է 7-րդ տեղը: Մայրցամաքային Եվրոպայի ապրանքանիշերի շարքում Orange-ը 6-րդն է: 2011թ. զեկույցի ամենաակնառու միտումներից է ՏՏ և հեռահաղորդակցության ընկերությունների գերակայությունը. ցուցակը գլխավորող տասը բրենդերից 6-ը տեխնոլոգիական ընկերություններ են:
Հետաքրքրական է, որ Orange-ը տեղ է զբաղեցրել միայն այս տարի հարյուրյակում հայտնված Facebook-ի անմիջական հարևանությամբ:
Millward Brown-ի մեթոդոլոգիան հաշվի է առում ինչպես հաճախորդների շրջանում կատարված ուսումնասիրությունները, այնպես էլ ֆինանսական տվյալներ:
Բրենդի գնահատումը բրենդին վերագրվող ֆինանսական արժեքի չափումն է: Այն հիմնված է բրենդի ներքին արժեքի վրա, որը կախված է բրենդի` պահանջարկ ստեղծելու հնարավորությունից: Բրենդի ֆինանսական արժեքն այն բոլոր ապագա եկամուտներն են, որ բրենդը կարող է գեներացնել: