Այսօր՝ օգոստոսի 30-ին, առեղծվածային դեպք է տեղի ունեցել Երևանում: Ժամը 21:30-ի սահմաններում ոստիկանության Երևան քաղաքի վարչության, ինչպես նաև Արտակարգ իրավիճակների նախարարության փրկարար ծառայության օպերատիվ կառավարման կենտրոններ ահազանգ է ստացվել, որ Երևան քաղաքի Կոմիտասի պողոտայի թիվ 19 շենքի 2-րդ հարկից քաղաքացի է ընկել:
Ինչպես հայտնում է shamshyan.com-ը, օպերատիվորեն ժամանել են թիվ 5 հրշեջ-փրկարարական ջոկատը, Երևանի 1-03 շտապօգնության բժիշկների հերթապահ խումբը: Ժամանել է նաև ոստիկանության Արաբկիրի բաժնի օպերատիվ խումբը՝ բաժնի պետ Արթուր Հովհաննիսյանի գլխավորությամբ:
Ըստ նախնական տեղեկությունների՝ պարզվել է, որ թիվ 70 տան բնակիչ, 22-ամյա Արսեն Կարապետյանը, դեռևս չբացահայտված հանգմանքներում, ցած է ընկել պատշգամբից և տարբեր աստիճանի մարմնական վնասվածքներով, հիմնականում՝ կոտրվածքներ, տեղափոխվել է Սուրբ Գրիգոր Լուսավորիչ բժշկական կենտրոն: Ոստիկանությունը ունի տեղեկություններ, որ տեղի ունեցածը ինքնասպանության փորձ է, սակայն հարազատները պնդել են հակառակը՝ այն է՝ դժբախտ պատահար:
Մանրամասները՝ shamshyan.com-ում
