ՀՀ Գլխավոր դատախազությունը հստակ պատասխան չի տվել Lragir.am կայքի հարցերին, որոնք վերաբերում են ԱՄՆ կողմից հետախուզվող Ռուսաստանի քաղաքացի Սերգեյ Միրոնովի գործին:
Տեղեկություն կա, որ Հայաստանում ձերբակալված և հայկական դատարանի որոշմամբ ազատ արձակված Միրոնովը վաղը կարող է վերադառնալ Ռուսաստան: Այս մասին Միրոնովի փաստաբաններն են հայտարարել:
Գլխավոր դատախազությանը գրավոր հետևյալ հարցերն էինք հղել՝ խնդրում ենք պարզաբանել՝ ե՞րբ կարող է Միրոնովը վերադառնալ Ռուսաստան, արդյոք նման իրավունք տալի՞ս է նրան դատարանը, թե՞ պետք է 40 օր պարտադիր մնա Հայաստանում՝ նախքան արտահանձնման մասին որոշման կայացումը:
Նաև Գլխավոր դատախազությանը խնդրել էինք պարզաբանել՝ Միրոնովից երկրից չբացակայելու մասին ստորագրություն վերցվե՞լ է, նրան ԱՄՆ արտահանձնել-չարտահանձնելու հարցով ի՞նչ գործողություններ են իրականացվում:
Գլխավոր դատախազությունն ըստ էության չի պատասխանել մեր հարցերին, և այս գրությունից միայն տեղեկանում ենք, որ հայաստանյան դատարանի որոշումը Գլխավոր դատախազությունը բողոքարկելու է:
