Spletnik-ը ներկայացնում է նախանձ առաջացնող այն շքեղ առանձնատները, որտեղ ապրում են աստղային զույգերը:
Քիմ Քարդաշյան և Քանյե Ուեսթ
Քիմ Քարդաշյանը և Քանյե Ուեսթը 2013թ. Լոս Անջելեսի հեղինակավոր Բել Էյր արվարձանում 11 մլն դոլարով ձեռք են բերել առանձնատուն: Տունն ունի 5 ննջասենյակ, 7 լոգասենյակ:
Հետաքրքիր է, որ մեծ տունը սկզբում զույգին փոքր է թվացել, և 2014թ. նրանք ավելի մեծ տուն են գնել՝ 20 մլն դոլարով առանձնատուն Հիդեն Հիլզում: Բել Էյրի տունն ամուսինները մտադիր են վաճառել, քանի որ այն զգալիորեն փոքր է Հիդեն Հիլզի տնից, որն ունի 2 լողավազան, 2 սպա-գոտի, 2 բարբեքյուի գոտի, սեփական խաղողի այգի:
Ջենիֆեր Էնիսթոն և Ջասթին Թերու
Զույգը 2012թ. առանձնատուն է ձեռք բերել Բել Էյրում: Տունն ունի 4 ննջասենյակ, 6 լոգասենյակ, հատակից առաստաղ պատուհաններ՝ ծովի տեսարանով, տարածքում նաև՝ հյուրատուն, խաղողի այգի, սեփական լճակ:
Բեյոնսե և Ջեյ Զի
Զույգը ձեռք է բերել պրեսբիտերեկան եկեղեցի Նոր Օռլեանում, որը վերափոխել են շքեղ տան: 1925թ. կառույցի համար զույգը վճարել է 2,6 մլն դոլար: Նախկին եկեղեցին ունի 22 սենյակ, այդ թվում՝ 8 լոգասենյակ և 8 ննջասենյակ:
Անջելինա Ջոլի և Բրեդ Փիթ
Զույգին է պատկանում հսկայական Chateau Mirval առանձնատունը Ֆրանսիայում, որում նրանք ամուսնացել են: Ամրոցն ունի 35 սենյակ, ձայնագրման ստուդիա, սեփական եկեղեցի, խաղողի այգիներ:
Ջոն Լեջենդ և Քրիսի Թեյգեն
Դստեր՝ Լունայի ծնվելուց հետո զույգը տեղափոխվել է 14 մլն դոլարանոց առանձնատուն Լոս Անջելեսում: Տունն ունի 5 ննջասենյակ, 8 լոգասենյակ, լողավազան, հսկայական պատուհաններ՝ հատակից առաստաղ, և շոգեբաղնիք: Այն ունի նաև գրասենյակ, մարզասրահ, կինոթատրոն, բիլիարդի սրահ, թանկարժեք դաշնամուր՝ Ջոնի համար:
Քելլի Ռիպա և Մարկ Կոնսուելոս
Նրանց առանձնատունն արժե 3 մլն դոլար, գտնվում է Բրիջհեմփթոնում: Տունն ունի մասնավոր լողավազան, հսկայական թվով ծառեր ու բույսեր: