Ինդոնեզիայի Ճավա կղզու Սրագեն շրջանի Բնակչության հաշվառման և քաղաքացիական կացության ակտերի գրանցման վարչությունը (Disdukcapil) հաստատել է տեղի բնակիչ Մբահ Գոտոյի անձը հաստատող ներքին հավաստագրի տրամադրման ճշտությունը, որում նշված է, որ նա ծնվել է 1870թ. դեկտեմբերի 31-ին: Այս մասին հայտնում է Tribunnews.com պորտալը:
Գոտոյի տարիքի մասին ավելի վաղ հայտնել էր բրիտանական Daily Mail պարբերականը, որը նրան անվանել էր մոլորակի ամենատարեց բնակիչը, սակայն նշվում էր, որ տղամարդը ծննդյան տարեթիվը հաստատող որևէ փաստաթուղթ չունի։
Պարբերականի տեղեկացմամբ՝ նա ապրել է ավելի, քան իր 4 կանայք և բոլոր երեխաները, այժմ նա ապրում է թոռների, ծոռների ու նրանց երեխաների հետ։ Գոտոյի թոռներից մեկի խոսքով՝ իր պապը պատրաստվում էր մահանալ դեռևս 122 տարեկանում։