Georgia Online-ի փոխանցմամբ՝ Վրաստանում Բելառուսի արտակարգ ու լիազոր դեսպան Միխայիլ Մյատլիկովը հավատարմագրերն է հանձնել Վրաստանի նախագահ Գեորգի Մարգվելաշվիլիին: Այս մասին հայտնել է Բելառուսի ԱԳՆ-ի մամուլի ծառայությունը:
Վրաստանի նախագահն ընդգծել է երկու երկրների հարաբերությունների բարեկամական բնույթը, որոնց զգալի ազդակ է հաղորդել 2015 թվականին Բելառուսի նախագահ Ալեքսանդր Լուկաշենկոյի այցը Վրաստան:
Մարգվելաշվիլիի խոսքով՝ Վրաստանը պատրաստակամություն է հայտնել Բելառուսի հետ իրականացնելու փոխշահավետ և բաց համագործակցություն: Հանդիպման ժամանակ ընդգծվել է, որ կողմերը զգալի պոտենցիալ ունեն՝ տարբեր ոլորտներում զարգացնելու համագործակցությունը: