BBC-ի փոխանցմամբ՝ ԱՄՆ-ը ծրագրում է խորհրդակցություններ անցկացնել իր օտարերկրյա գործընկերների հետ՝ կապված Ռուսաստանի կողմից Իրանին S-300 զենիթահրթիռային համալիրներ մատակարարելու հետ: Այս մասին լրագրողների հետ կանոնավոր ճեպազրույցի ժամանակ հայտարարել է ԱՄՆ պետդեպարտամենտի մամլո ծառայության ղեկավար Ջոն Կիրբին:
Նա չի մանրամասնել, թե ԱՄՆ-ը կոնկրետ ինչ շփումներ է ունենալու այդ առումով: Նա խոստովանել է, որ ԱՄՆ պետքարտուղար Ջոն Քերին օգոստոսի 26-ին Ժնևում Ռուսաստանի արտգործնախարար Սերգեյ Լավրովի հետ հանդիպման ժամանակ չի քննարկել Թեհրանին ռուսական S-300 զենիթահրթիռային համալիրներ մատակարարելու հարցը:
Կիրբին հավելել է, որ հանդիպման ժամանակ կողմերի ուշադրության կենտրոնում են գտնվել Մերձավոր Արևելքում ու Հյուսիսային Աֆրիկայում տիրող իրավիճակը և, մասնավորապես, Սիրիայի, Լիբիայի, Եմենի հարցերը, ինչպես նաև Ուկրաինայի հարցը: