Գործարար Արամ Պետրոսյանը, որը պատանդներ էր վերցրել Մոսկվայի կենտրոնի Սիթիբանկի մասնաճյուղում, դադարեցրել է հացադուլը։ Այս մասին RIA Novosti-ին հայտնել է նրա փաստաբան Ստանիսլավ Մալցևը։
Ավելի վաղ հաղորդել էր, որ Պետրոսյանը չոր հացադուլ է հայտարարել։
«Բժիշկները նրան խորհուրդ են տվել դադարեցնել հացադուլը, և մենք՝ որպես փաստաբաններ, նրան խորհուրդ ենք տվել ռիսկի տակ չդնել առողջությունը»,- ասել է փաստաբանը։
Նա պարզաբանել է, որ կալանման մասին որոշման հայտարարումից հետո Պետրոսյանի ինքնազգացողությունը վատացել է, դատարան է կանչվել շտապօգնություն։ Մալցևը նաև նշել է, որ իր պաշտպանյալի հետ դեռևս որևէ քննչական գործողություններ չեն տարվում։
«Այս շաբաթ ծրագրվում է տեղում, այսինքն՝ բանկի բաժանմունքում, ստուգել նրա ցուցմունքները»,- ասել է փաստաբանը։
