Facebook սոցցանցի հիմնադիր Մարկ Ցուկերբերգը Իտալիա այցի ժամանակ Հռոմի Ֆրանցիսկոս պապին նվիրել է արևային մարտկոցներով աշխատող անօդաչուի մոդել, որը կարող է համացանցային կապ ապահովել նույնիսկ աշխարհի ամենահեռավոր անկյուններում։ Այս մասին նա գրել է իր ֆեյսբուքյան էջում՝ հրապարակելով հովվապետի հետ հանդիպումից լուսանկար։
«Մենք նաև քննարկել ենք մարդկանց միջև կապի կարևորությունը, հատկապես աշխարհի այն մասերում, որտեղ հասանելիություն չկա համացանցին։ Մենք նվիրել ենք նրան արևային մարտկոցներով մեր անօդաչու Aquila-ի մոդելը, որտեղ այն հասանելիություն կապահովի համացանցին այն վայրերում, որտեղ չկա համացանց»,- գրել է Ցուկերբերգը։
Նա նշել է, որ այդ հանդիպումն ինքն ու իր կինը երբեք չեն մոռանա, և որ իրենք զգացել են, թե որքան շատ է հովվապետը հոգ տանում մարդկանց օգնության համար։