Թուրքական Dogan լրատվական գործակալության փոխանցմամբ՝ Թուրքիայի հարավ-արևելքում գտնվող Քիլիսի քաղաքի երեք բնակիները վիրավորվել են Սիրիայի տարածքից արձակված հրթիռների հետևանքով։
Միջադեպը գրանցվել է տեղական ժամանակով ժամը 18։25-ից։ Սիրիայի հյուսիսում ԴԱԻՇ-ի վերահսկած տարածքից երեք արկ է արձակվել Թուրքիայի տարածքի ուղղությամբ, որոնցից մեկը պայթել է փողոցում, իսկ մնացած երկուսը՝ ամայի տարածքներում։
Միջադեպից հետո դեպքի վայրում են եկել շտապօգնության ու ոստիկանության մեքենաները։ Նախկինում էլ Քիլիսին քանիցս հրետակոծվել է Սիրիայի տարածքի այն հատվածից, որը գտնվում է ԴԱԻՇ-ի վերահսկողության ներքո։ Դրա հետևանքով զոհվել է 21 և վիրավորվել է մոտ 40 մարդ։ Թուրքական հրետանին ամեն անգամ պատասխան կրակ է բացել ԴԱԻՇ-ի դիրքերի ուղղությամբ։