Ըստ Անկարայի հետ Եվրամիության համաձայնության՝ այս տարի Չեխիան պետք է ընդուներ Թուրքիայի ճամբարներից առաջին 80 փախստականներին, սակայն դա չի անի, կիրակի հայտարարել է երկրի ներքին գործերի նախարար Միլան Խովանեցը, հայտնում է RIA Novosti-ն:
Պատճառը միգրանտների ստուգումներն են, որոնք չեխական իշխանությունները կատարում են շատ մանրամասն, ինչն էլ շատ ժամանակ է զբաղեցնում:
«Անվտանգության տեսանկյունից ելնելով՝ կատարվում են փախստականների շատ խոր ստուգումներ, և դատելով ամենից՝ դրանք չեն ավարտվի մինչև տարեվերջ: Այնպես որ՝ չի կարելի ենթադրել, որ մենք մինչև տարեվերջ ինչ-որ մեկին կընդունենք»,- ասել է Խբանեցը՝ ելույթ ունենալով հանրապետական հեռուստատեսությամբ:
Նախարարի խոսքով՝ ընդհանուր առմամբ ԵՄ-Թուրքիա համաձայնության շրջանակներում 3 տարվա ընթացքում Չեխիան պետք է ընդունի մոտ 3 հազար փախստական:
