RIA Novosti-ի փոխանցմամբ` Ստոկհոլմում օգոստոսի 28-ից մինչև սեպտեմբերի 2-ը տեղի կունենա Ջրի համաշխարհային շաբաթը, որը կազմակերպվում է ամեն տարի սկսած 1991 թվականից: Այդ մասին հայտնել է Ստոկհոլմի ջրի միջազգային ինստիտուտը:
Այս տարի քննարկումներում և սեմինարներում հիմնական ուշադրությունը կդարձվի ջրային պաշարների թեմային և կայուն զարգազման մեջ նրանց դերին:
Ջրի համաշխարհային շաբաթը սովորաբար հավաքում է ավելի քան 100 երկրներից կառավարական կազմակերպությունների, գործնական և գիտական ոլորտի, հասարակական և կրթական կազմակերպությունների 2-3 հազար ներկայացուցիչների:
Ծրագրի ժամանակ հանձնվում է Ջրի միջազգային մրցանակ, որն այս տարի բաժին կհասնի ամերիկացի հետազոտող, Միչիգանի պետական համալսարանի պրոֆեսոր Ջոան Ռոուզին, որը համարվում է ջրի մանրէաբանության առաջատար հետազոտողներից:
Պարգևատրման արարողությունը տեղի կունենա օգոստոսի 31-ին: Շվեդիայի թագավոր Կարլ Գուստավ XVI-ի ձեռքից Ռոուզը կստանա բյուրեղապակե արձան և 150 հազար դոլար մրցանակ:
