NASA-ի «Յունոնա» զոնդը Յուպիտերի վրայով թռչել է 4200 կմ հեռավորության վրա՝ հայտնում է BBC-ն:
Ակնկալվում է, որ «Յունոնան» կնկարի և Երկիր կփոխանցի մոլորակի մթնոլորտային զանգվածների տեղաշարժման ցնցող պատկերներ: Թռչելով Յուպիտերի վրայով հյուսիսից հարավ ուղղությամբ՝ զոնդը շարժվել է ավելի քան 200 հազար կմ/ժամ արագությամբ: Յուպիտերի ամպերի նկարները NASA-ն ակնկալում է հրապարակել հաջորդ շաբաթ:
Արշավախմբի խնդիրներից մեկը մոլորակի կազմության ուսումնասիրությունն է: NASA-ի մասնագետները ցանկանում են իմանալ, թե արդյոք այն ունի պի՞նդ միջուկ, թե՞ ամբողջովին կազմված է չափազանց մեծ աստիճանով սեղմված գազից:
Այդ ուղեծրում «Յունոնան» կմնա մինչև 2018 թվականը՝ մինչև ստանա Յուպիտերի մթնոլորտ «սուզվելու» հրաման, ինչը նրա համար կնշանակի յուրատեսակ ինքնասպանություն: