Եվրոպոլի ղեկավար Ռոբ Ուեյնռայթը մտավախություն ունի, որ Եվրոպայում կարող է բարձրանալ ահաբեկչությունների նոր ալիք, ուստի անվտանգության միջոցառումներն ուժեղացնելու համար ծրագրում է Հունաստան և հունական կղզիներ ուղարկել հակաահաբեկչական ծառայության 200 սպաների: Այս մասին հայտնել են հունական ԶԼՄ-ները՝ հղում անելով Evening Standard պարբերականին տված Ուեյնռայթի հարցազրույցին: Եվրոպոլի աշխատակիցները այնտեղ կժամանեն մոտակա շաբաթներին:
«Նրանց նպատակն է ստուգել, թե հունական կղզիներ ժամանող ներգաղթյալների և փախստականների մեջ կա՞ն արդյոք ջիհադիստներ, ինչպես նաև կատարվո՞ւմ են արդյոք տեղակայման կենտրոններում գտնվող ներգաղթյալներին արմատականացնելու փորձեր»,- գրել է Huffington Post պարբերականը:
Ուեյնռայթը ասել է, որ ԴԱԻՇ-ը ցանկանում է պատասխանել ուժեղ հարվածներին, որոնք նա ստանում է Սիրիայում, և ջիհադիստներին ուղարկում է Եվրոպա՝ ազդելու համար ներգաղթյալների վրա: